ПСЖ не сака уште една голема драма и нов случај како оној на Килијан Мбапе во кој ѕвездата на тимот замина бесплатно од „Паркот на принцевите“ па е блиску до ангажман на замената за Џанлуиџи Донарума, италијанскиот голман чиј договор важи до крајот на следната сезона и одбива да стави потпис на нов.
Замената за италијанскиот голман е Лукас Шевалие, 23-годишниот Французин од редовите на Лил кој важи за еден од најперспективните чувари на мрежата.
ПСЖ веќе ги договори личните услови со Шевалие и започна иницијални преговори со Лил за трансфер кој се очекува да биде во износ од 40 милиони евра.
А, доколку Донарума во следниот период не потпише нов договор тој и дефинитивно ќе го напушти актуелниот шампион во Лигата на Шампионите ова лето. Како следна дестинација се споменува Премиерлигата каде постои сериозен интерес од страна на Челси и Манчестер Јунајтед.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
