Одбојкарската федерација на Македонија ќе одржи собрание на 13. октомври. На оваа седница која практично е втор дел од собранието што се одржуваше во Штип во јули годинава пред делгатите повторно ќе бидат ставени на разгледување завршната сметка како и Статутот на Федерацијата.
Завршната сметка не го помина претходното собрание затоа што беше забележана разлика во бројките од сметката меѓу извештајот што беше поднесен на собранието и оној во Централниот регистар. Имаше забелешки и на Статутот кој тогаш беше понуден на усвојување.
По двете ревизии, внатрешна и недворешна, констатирана е грешката во финансискиот извештај која била од техничка природа, велат од ОФМ, и пропустот е исправен. Само една екипа поднела забелешки на Статутот и тие се вкорпорирани во новопредложениот материјал.
Собранието кое што се одржа во Штип беше изборно и на него за претседател на Федерацијата беше реизбран Петар Јовановски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
