Собранието на Фудбалската федерација на Македонија денеска го овласти Управниот одбор да утврди буџетска позиција со која ќе се финансираат инфраструктурни проекти преку кои и натаму ќе се засили развојот на фудбалската игра.
На Редовното годишно собрание беа усвоени извештајот за работа на претседателот и Управниот одбор на ФФМ, извештаите од правните органи и лиценцни тела на ФФМ, како и извештајот од администрацијата на ФФМ за исполнување на стратегискиот план 2016-2026 за 2019 година. Изгласан беше и финансискиот извештај за 2019 година, како и буџетот за 2020 година.
Донесена е и нова регионалната поставеност и промена на организацијата на трети лиги и систем на натпревари. Од сезоната 2020/2021 Третата лига вклучува поделба на пет региони со пет трети лиги кои би броеле од 6 до 16 екипи, наместо досегашните шест лиги.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
