Сосед на Нејмар во Париз, проговори за забавите кои ги прави Бразилецот. Претходно се дозна дека фудбалерот на ПСЖ им оди на нерви на соседите поради честите забави, и поради тоа се пожалил и градоначалникот на Бугивал, предградие во Париз.
Еден од соседите по име Валентин, изјавил дека забавите на Бразилецот не се толку чести, но дека кога ги има се многу долги и бучни. Тој истакна дека роденденската забава минатата недела била само до 23:45 часот, а Бразилецот не ги вознемирувал многу соседите.
„Откако сум тука имаше 4-5 забави. И секогаш биле до шест наутро. Последен пат забава имаше по мечот Бразил – Тунис во Париз кога во 23 часот целиот бразилски тим пристигна во куќата на Нејмар. И тогаш видов луѓе како се движат во 6 наутро“, рече соседот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
