Легендарниот шпански голман Икер Касилјас со изјава за тимот на Милан и неговиот голман Џанлуиџи Донарума прописно ги налути многубројните навивачи на „росонерите“.
Касилјас истакна дека Донарума заслужува поголем клуб од Милан, што наиде на силен револт меѓу навивачите. По сето тоа, Шпанецот се обиде да се оправда, но залудно.
„По мое мислење, Донарума треба да биде во клуб со поголема традиција. Моја грешка. Милан има традиција, мислев на клуб кој моментално игра поважна улога во Европа“ – обаснуваше дополнително Касилјас.
A mi juicio, Donnarumma debería jugar en un club con más solera. Error mío!! AC Milán tiene solera. Me refiero a más cache en Europa ahora mismo. Good night everyone!! See you tomorrow. Maybe….
— Iker Casillas (@IkerCasillas) January 10, 2021
А, фактот е единствено дека иако Милан веќе некое време не игра позапазена европска улога сепак со седум титули шампион на Европа е меѓу најтрофејните во ова натпреварување, и дефинитивно еден од најдобрите во Италија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
