Репрезентацијата на Словенија немаше проблеми во првиот натпревар на Светското првенство 2023 и со убедливи 19-33 славеше во дуелот против Саудиска Арабија. Словенците фаворитската улога ја потврдија уште од самиот старт, а веќе на полувремето на кое имаа предност од осум гола (8-16) го одлучија и победникот па второто полувреме беше само формалност.
Убедлива победа забележа и Унгарија која без проблеми славеше против Јужна Кореја со 35-27. Исто како и Словенците, Унгарците рано стигнаа до висока предност, истата беше двоцифрена на полувремето па немаа многу проблеми да ја задржат високата позитива во вторите 30. минути.
Зеленортски острови стигнаа до значајна победа славејќи против Уругвај со 33-25. Најнеизвесниот натпревар го одиграа Чиле и Иран во кој славеа Иранците со 24-25 со гол во последните секунди.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
