ЕКИПА во Сан Марино,
Горан Бошев
Вардар не успеа со победа во Сан Марино да го заокружи пласманот во следната рунда натпревари во Конференциската лига на УЕФА, ремизирајќи (2-2) на гостувањето против Ла Фиорита.
Ремито со тимот од Сан Марино, и покрај европското продолжување, не донесе некое задоволство меѓу вардаровите фудбалери по синоќешниот дуел. Свесни се дека можат и мораат и далеку подобро, ако се сака позитивен резултат и од следната пресметка со швајцарска Лозана.
„Знаевме дека ова ќе биде тежок натпревар, и така и почнавме некако порезервирано. Секако, нашата желба и амбиција беше само победа, но не успеавме во тоа. Во второто полувреме почнавме поагресивно и тоа вроди со плод“ – ни изјави по мечот офанзивецот Едис Спахиу, и дополни:
„Факт е дека на секој натпревар во Европа мора да се игра максимално фокусирано. Треба да извлечеме поуки од ова реми и грешките кои ги направивме тука. Сега мислите ги насочуваме кон Лозана, верувам дека максимално ќе се подготвиме за тие средби“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
