Италијанскиот калчолигаш Интер ќе го задржи Лучијано Спалети на клупата до 2021 година. Без разлика дали „нероаѕурите“ ќе изборат пласман во Лигата на шампионите следната сезона, раководството на клубот е уверено дека Спалети е вистинскиот човек за кормилото на Интер и ќе му понуди нов договор за двегодишна соработка. Актуелниот договор има важност до јуни 2019 година.
Интер оваа сезона имаше одличен старт во Серија А, но потоа влезе во резултатска криза и сега се бори за пласман во Лигата на шампионите. Во моментот е на петтата позиција на табелата со четири бода заостанување во однос на Рома и на Лацио на три кола до крајот на шампионатот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
