Вардар денеска објави значајна промена во раководните функции откако досегашниот спортски директор во клубот, Игор Ивановски, си замина од таборот на „црвено-црните“.
Ивановски дојде во Вардар пред повеќе од една година и беше дел од управата што финансиски го консолидираше клубот, но неговата соработка со најтрофејниот македонски фудбалски колектив и официјално заврши денеска.
„После 14 месеци повеќе од успешна соработка, ФК Вардар АД и спортскиот директор на клубот Игор Ивановски, спогодбено се разделија. Клубот му благодари на сработеното и му посакува успешна следна епизода во животот“, се вели во објавата на официјалната веб-страница на Вардар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
