Кошаркарите на Јута Џез доживеаја уште еден пораз во НБА лигата, овој пат на гости кај Атланта Хокс со 121-119. Но, главна тема од мечот е Јусуф Нуркиќ бидејќи е неверојатно што челниците на клубот му прават на кошаркарот од БиХ.
Нуркиќ пристигна во Јута минатата година откако кратко играше за Шарлот Хорнетс, но се чини дека нема да остане долго во клубот од Солт Лејк Сити.
Иако Нуркиќ игра во одлична форма оваа сезона, очигледно е дека тоа не е доволно за челниците на Јута, бидејќи е јасно дека сакаат да го подмладат тимот, а фактот дека кошаркарот од БиХ веќе има 31 година, не им одговара. Исто така, тука е и договорот на Нуркиќ кој истекува ова лето, според кој тој заработува околу 19 милиони долари по сезона.
Јута синоќа играше на гости против Атланта, и иако враќањето на Нуркиќ во тимот беше очекувано, тоа не се случи. Кошаркарот беше најавен дека ќе настапи, но непосредно пред почетокот на натпреварот, тренерот на овој тим, Вил Харди, рече дека Нуркиќ нема да игра.
Тоа беше уште една јасна порака до Нуркиќ дека сакаат да се ослободат од него и дека очигледно не им е доволно што кошаркарот игра во нереална форма и е, покрај Лаури Марканен, најдобриот играч на Јута во тековната сезона.
Јасно е дека Јута сака да го вклучи Нуркиќ во размена до крајот на преодниот рок и дека тој ќе го напушти тимот во наредните денови.
Навивачите на Јута негодуваат на таквата одлука и велат дека она што нивниот тим го прави со Нуркиќ е срамно.
Can the Jazz just buy out Jusuf Nurkic already this is embarrassing
— 𝑱𝒖𝒔𝒕𝒊𝒏 (@JustinTalksBall) February 6, 2026
Треба да се напомене дека веќе некое време се зборува многу за тоа дека Јута намерно губи натпревари за да има најлоша можна позиција на табелата и со тоа да овозможи подобро место на следниот драфт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
