Резултатската криза во Динамо Загреб уште повеќе се продлабочи откако „модрите“ беа елиминирани и од Купот на Хрватска, губејќи на домашен терен од Осијек со 0-1.
Неколку дена откако беа декласирани од Ријека во првенстеното дерби, фудбалерите на Динамо одиграа уште еден разочарувачки натпревар. Поројниот дожд што паѓаше во Загреб ги направи условите речиси невозможни за игра, официјалните лица сепак решија дуелот да не биде одложен, а во хаосод на терентот подобро се снајдоа гостинските фудбалери.
„Што може да се каже по еден ваков меч…. тешка ноќ за нас, останавме без еден од двата трофеи што ги посакувавме. Игравме во нефудбалски услови, но тие беа исти и за нас и за противникот. Срамота е еден клуб како Динамо да си дозволи дождот да му уништи се фудбалско што создава. Можам да кажам толку многу работи, но сега е најдобро да премолчам“, изјави Мартин Батурина, еден од најдобрите фудбалери на хрватскиот првак оваа сезона.
Веќе за неколку дена Динамо го очекува нов предизвик, големото дерби со Хајдук на кој евентуален пораз би значел и сведување на теорија на шансите за титулата.
„Немаме среќа, не успеваме да дадеме гол од шансите што ги создаваме. В недела е дербито, мораме да победиме за да си ги задржиме шансите. Не треба да зборуваме за мотивација, прво тука беа нашите навивачи кои киснеа на дождот за да ни дадат поддршка, а ние ги изневеривме“, прокоментира Батурина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
