Србија стигна до втората победа во квалификациите за Евробаскетот 2025 откако славеше и на гостувањето во Грузија со 63-76. „Орлите“ на Светислав Пешиќ беа подобри од самиот почеток на средбата и без многу проблеми го завршија првиот квалификациски цикус со два триумфа.
Репрезентацијата на Босна и Херцеговина пак со половичен успех ги заврши февруарските квалификации откако на домашен терен загуби со 64-74 од Франција.
Половичен успех забележа и Хрватска која по поразот од Франција славеше со 92-63 на гостувањето кај Кипар со што се изедначи со Босна и Херцеговина на табелата во групата „Е“.
Претходно победи забележаа и останатите две репрезентации од поранешна Југославија. Словенија на домашен терен славеше со 88-79 против Израел, додека Црна Гора со 95-70 над Шведска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
