Србинот кој го пцуеше Ибрахимовиќ сега му доаѓа во Милан: „Оди по ѓаволите лудаку!?“

Балканската колонија во Милано би можела да добие нов член до крајот на преодниот рок, откако почнаа гласини за изненадувачки трансфер.

Страхиња Павловиќ е таму од претходно, пристигна Лука Модриќ, а потоа и Ардон Јашари, а следниот би можел да биде Србинот кој го пцуеше Златан Ибрахимовиќ како никој друг.

Ибрахимовиќ се збогува со фудбалот, но е ангажиран во Милано како консултант, е присутен на тренинзите и натпреварите и има одредени овластувања во соблекувалната. А, сега, „покрај него жив“, на Апенините почнаа да се шират гласини дека Александар Митровиќ би можел да ги засили редовите на „росонерите“.

Долго време „росонерите“ го имаа Душан Влаховиќ на својот радар, но тој договор не беше успешно завршен, па сега Митровиќ е новата опција.

Најдобриот стрелец на Србија наскоро ќе стане слободен агент откако Ал Хилал ќе му плати 25 милиони евра за последната година од договорот и ќе може да избере каде ќе игра. Досега, Митровиќ беше поврзуван со неколку клубови како што се Њукасл, Тотенхем и Лидс Јунајтед, а последна опција е бразилскиот Фламенго.

Сепак, сега почнаа гласини за можно пристигнување во редовите на Милан, посебно откако нештата за доведување на Расмус Хојлунд од Манчестер Јунајтед не одат глатко.

Би било интересно да се види како ќе се одвива средбата меѓу Ибрахимовиќ и Митровиќ ако, евентуално, Србинот го заврши својот трансфер во Милано.

Имено, додека Митровиќ играше за Андерлехт во натпревар од Лигата на шампионите против ПСЖ, му рече во лице на Ибра: „Оди по ѓаволите, лудаку“.

„Во текот на целиот натпревар, тој беше многу доминантен и груб кон сите играчи на Андерлехт. Ме фаулираше и морав да го опцујам и да му кажам сè што имам во лице“, коментираше тогаш Митровиќ по натпреварот.

Сепак, бидејќи станува збор за работи кои се специфични за теренот, очекувано е Ибра и Митровиќ одамна да ги остават сите тие нешта зад себе.