Србија го именуваше Раул Гонзалес за нов селектор на машката ракометна репрезентација, а северниот сосед почнува потрага и по кормилар на женската национална селекција, откако беше донесена одлука за прекин на соработката со Урош Брегар.
Словенецот пристигна пред три години на чело на репрезентацијата најавувајќи сериозен проект, но резултатите целосно изостанаа, па по фијаското на ЕП 2024 (три меча, три порази) Брегар доби отказ од фунцкијата. Србија под негово водство учествуваше на последните три големи натпреварувања, но на двата европски шампионати имаше шест порази на шест меча, додека на ланскиот мундијал пет порази и само еден триумф (над тоталниот аутсајдер Чиле).
Конечниот пласман на 21. место на овој шампионат дефинитивно е незадоволителен за српската спортска јавност, а во федерацијата одлучија дека Брегар веќе добил доволно шанса и трпение, па денеска и официјално е прекината соработката со овој стручњак.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
