Срѓан Захариевски би можел да ја напушти екипата на Воска Спорт, само неколку месеци откако го презеде кормилото на овој прволигаш, со кој играше во финалето на Купот, кое го загуби од Тиквеш со 2-1.
Според неофицијалните информации на ЕКИПА, Захариевски нема да го продолжи договорот со овој тим, и ќе си бара нов ангажман. Двете страни биле далеку од договор, па така Воска веројатно идната сезона ќе ја стартува со нов тренер.
Од Воска Спорт се очекува да си заминат уште некои играчи. Тоа веќе го сторил голманот Костадин Захов, кој е пред потпис со новиот прволигаш Беса. Најдобриот стрелец на екипата Адам Марушиќ иако го продолжи договорот, сепак, имал неколку понуди и најверојатно ќе биде продаден.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
