Екипата на Пелистер продолжува со формирање на ростерот за наредната натпреварувачка сезона, откако битолчани денеска претставија уште едно ново име во своите редови.
Станува збор за Немања Здравковиќ, 32-годишен дефанзивец кој доаѓа од Србија и денеска го стави потписот на едногодишниот договор со „зелено-белите“.
„ФК Пелистер од денес е посилен за уште еден интернационалец. Нашата одбрана доби на квалитет и искуство, а фудбалското семејство во Битола има уште еден фудбалер од Србија. Централниот дефанзивец Немања Здравковиќ е нов фудбалер на Пелистер. Тој потпиша договор на една сезона и веднаш му се стави на располагање на тренерот Димитар Капинковски“, се вели во соопштението на клубот од Битола.
Здравковиќ има 32 години и доаѓа во Првата македонска фудбалска лига од Дубочица. Низ својата кариера Здравковиќ играл уште за Металац, Раднички, Напредок и во Литванија. Новиот фудбалер на Пелистер во кариерата играл на високо ниво во српската Суперлига и Прва лига и своето големо искуство ќе го пренесе во новиот клуб“, објавија битолчани на официјалната страница на фејсбук.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
