Грчки АЕК од Атина се пласираше во полуфиналето од Европскиот куп откако дури по изведувањето на пеналите го елиминираше Партизан во четвртфиналниот двомеч.
Како што е познато, реванш мечот во Белград беше одложен затоа што гостинските ракометари се исплашија од „Гробарите“, па натпреварот се играше денеска на неутрален терен, во Бугарија.
Партизан успеа да слави со24-19 и да ја анулира предноста на Грците од првиот меч во Атина од 22-27. На крај мораше пеналите да го решаваат патникот во полуфиналето, а во „пенал-рулетот“ посреќен беше АЕК дури во седмата серија во која Дан Тепер му одбрани удар на капитенот на Партизан, Никола Зечевиќ.
АЕК во полуфиналето ќе игра против Извиѓач Љубушки, а во второто полуфинале, како што е познато, ќе играат македонскиот Алкалоид и Рунар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
