Монако не успеа да ја продолжи победничката серија во францускиот шампионат откако лидерот на табелата одигра 0-0 на домашен терен против Лил.
Домаќините покажаа желба да стигнат до цел плен, но во отсуство на главниот стрелец Балогун се мачеа да влезат во стопроцентна шанса за гол. Згора на тоа, борбата им беше дополнително отежната на почетокот од второто полувреме, кога Тезе доби директен црвен картон за еден брутален старт на противничката половина.
Со играч помалку „црвено-белите“ можеа само да ги задржат овие 0-0, на крајот задоволувајќи се само со еден наместо со посакуваните три бода.
„Кнезовите“ сега имаат 20 бода и се наоѓаат на врвот на табелата, со три бода предност во однос на ПСЖ, кој со победа утре против Стразбур ќе се израмни со нив на делба на првата позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
