ЕКИПА во Хернинг,
Стеван Цаневски
Македонија стигна до првата победа на ЕП 2026 откако по голема борба славеше над Романија со 24-23, стигнувајќи до третото место кое ќе донесе и улога на носител во ждрепката за вториот бараж за СП 2026.
По мечот свое видување за шампионатот даде и првиот човек на РФМ, Александар Стефанов…
„Мора и треба да бидеме задоволни со тоа што го прикажавме во Данска на ова Европско првенство. Дојдовме како аутсајдери според сите официјални статистики, според букмејкерите. Докажавме дека можеме и во тоа како силна група покрај светскиот и олимпискиот шампион Данска, како и Португалија која заврши четврта на последното првенство, да извојуваме едно реми и една победа и како една од подобрите третопласирани селекции во сите групи да го завршиме ова првенство и како носители да чекаме поволен ждреб за Светското првенство.
Се уште ништо не е завршено, го чекаме исходот од Данска – Португалија, иако треба чудо за таква победа од над 17 разлика. Кога ќе го видиме тој исход, ќе ги сумираме впечатоците. Но, ова е една успешна претстава, одиграно машки, храбро, борбено. Со Романија цел меч имавме резултат, го контролиравме. Дојдовме до важна победа и треба да сме задоволни и како федерација и како национален тим и како држава“, изјави Стефанов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
