ЕКИПА во Келн,
Стеван Цаневски, Игор Паневски
Може ли Вардар до европскиот ракометен трон? Може, но ќе треба да ја искачи Ајфеловата кула, да го стави под нозе големиот ПСЖ, и потоа да загосподари со ракометна Европа. Способни се за тоа момците на Раул Гонзалес, а главен мотиватор секако е капитенот – Стојанче Стоилов. Тој вели, ќе биде потребна огромна поддршка од цела Македонија, во што и не се сомнева.
Вардарци знаат дека сите македонски срца денеска чукаат во еден ритам. Во финалето стои исправен моќниот ПСЖ, но што е тоа за заедничката сила што ја носат 2 милиони Македонци.
„Горд сум што сум капитен на овој Вардар. Ракометот е спорт број 1 во Македонија, е денеска 2 милиони Македонци ќе ни бидат поддрша. И верувам дека нема да ги изневериме. Ќе ’гинеме’ до последен атом на силите. Имаме шанси за триумф, иако е ПСЖ навистина страшен дрим – тим“, вели капитенот на Вардар.
Историјата почнува во 18 часот…Околу час и половина потоа…Вардар преку Ајфеловата кула – до кровот на Европа. Сите ние 2 милиони Македонци, се надеваме…Ќе навиваме, ќе бодриме…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
