Македонија ЃП после пласманот во големото финале на Купот на Македонија, гостува на Брегалница во натпревар од 26. коло во ПМФЛ.
Брегалница е секогаш тежок терен за противниците, а Македонија ЃП се надева дека ќе победи и ќе го надмине својот противник на табелата. Според фудбалерот на „лавовите“ Кристијан Стојкоски, дуелот е важен во битката за 4. место на табелата.
„Респект за Брегалница, но во Штип одиме како да е финале, мораме максимално да пристапиме ако сакаме позитивен резултат. Ужуваме во постигнатиот успех во купот, но тоа е веќе позади нас, успехот ќе се потврди ако го освоиме Купот, затоа мораме да го нападнеме и 4. место на табелата за излез во Европа“, изјави Стојкоски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
