Согласно сумираните статистички показатели од УЕФА, македонскиот голман Столе Димитриевски е најдобриот чувар на мрежата во штотукузавршената Лига на нации 2024.
Димитриевски е единствениот голман кој не примил гол на пет натпревари во Лигата на нации оваа сезона, и тоа сите едноподруго со серија од 531 минута без примен гол. Но, и покрај тоа, македонскиот голман и единствениот чувар на мрежата кој има асистенција, онаа за погодокот на Лирим Ќамили во победата од 0-3 на гостувањето против Летонија во Рига.
Македонија, Лигата на нациите ја заврши со гол разлика од 10-1, притоа без ниту еден примен гол од игра. Единствениот гол кој го прими националниот тим беше од сомнителен пенал уште во 9. минута на натпреварот против Фарските острови во Торшавн.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
