Македонскиот голман Столе Димитриевски би можел вториот дел од сезоната да го мине во Италија, во Серија „А“. Согласно најавите, екипата на Џенова бара голман, а во потесниот круг влезе и чуварот на мрежата на македонската репрезентација.
Димитриевски би заминал како позајмен до крајот на сезоната, и би имал поголема минутажа отколку во Валенсија каде што е втор голман.
Неодамна Ливаковиќ беше поврзуван со трансфер во овој тим, меѓутоа Хрватот најверојатно ќе заврши меѓу диреците на Динамо Загреб, а сега главна „мета“ е Димитриевски. Овој трансфер ќе биде добродојден за голманот, кој ќе собере минутажа пред важните настапи за репрезентацијата и баражот против Данска, а потоа и гостување во Даблин или Прага на мегдан со Ирска или Чешка.
Во меѓувреме, првиот голман на Валенсија, Агирезабала се повреди, па Димитриевски би можел да добие шанса, и покрај тоа што не беше на клупата против Селта поради повреда на препоните.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
