МЗТ Скопје продолжува со составување на ростерот со кој повторно ќе настапи во АБА првенството. По продолжување на соработката со македонски репрезентативци и ангажманот на Американецот Мајк Кафи, нов кошаркар на актуелниот шампион е Страхиња Миќовиќ.
Српскиот интернационалец со богатo АБА-лигашко искуство во македонскиот тим доаѓа од редовите на Морнар со кој во регионалното првенство бележеше просек од 5.9 поени и 3.1 скок на 25 одиграни средби, a се натпреваруваше и во ФИБА Еврокупот.
Триесетгодишниот крилен центар во минатото ги бранеше боите на Раднички, ОКК Београд, ФМП, Борац Чачак, Игокеа, како и германските Мителдојчер и Бон. Тој е познат по пожртвуваноста во играта и се очекува да биде големо засилување за „сино-белите“.
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
