Рома се подготвува да го запре атомскиот напад на Ливерпул на утрешниот дуел на „Енфилд роуд“, а фудбалерите на „римската волчица“ се свесни од каде ќе доаѓа главната опасност – од нивниот поранешен соиграч Мохамед Салах.
„Тој беше одличен и додека играше за нас, но сега е уште подобар. Клучот е во самодовербата, мислам дека тоа е пресудно при неговите настапи за Ливерпул. Лесно влегува во шанси, дел од нив и самиот ги креира, но и кога ќе се случи да промаши самоуверен е дека наредниот пат сигурно ќе биде прецизен“ – истакнува Кевин Стротман, холандскиот играч за врска во редовите на Рома.
Тој сепак е уверен дека тренерот Ди Франческо ќе најде начин да го неутрализира Салах на утрешниот натпревар.
„Имаме подготвено специјална тактика за него, но разбирате зошто не можам да ви кажам повеќе детали. Вистинска италијанска одбрана, на највисоко, тоа е она на што се надевам на утрешниот меч“ – оптимист е Стротман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
