Лидерот во Втората лига – Запад, екипата на Струга Трим Лум ги промовираше најновите две засилувања за пролетниот дел од шампионатот.
Стружани своите редови ги засилија и со досегашниот фудбалер на Велазерими, Арлинд Алити кој фудбалски потекнува од школата на Шкендија.
Струга Трим Лум го промовираше и Христијан Драгарски кој доаѓа од прилепска Победа. 26-годишниот централен дефанзивец претходно има настапи и за Пелистер, Младост Царев двор, како и српски Радник.
Во досегашниот тек од зимскиот преоден рок Струга ТЛ се засили и со Флорент Османи, голманот Илче Петровски и младиот офанзивец Абдулхад Јахја.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
