Фудбалерите на Струга ТЛ, на најдобар можен начин, со победа против минатогодишниот шампион Шкупи од 2-1 на домашен терен, официјално си ја презеде шампионската титула за сезоната 2022/2023.
На дуелот во Струга, чаирчани поведоа со 0-1 со голот на Сандеј Адетунџи во 29. минута.
Во второто полувреме домашните успеаја да израмнат со голот на Марјан Радески во 51. минута.
И, комплетниот пресврт следеше во 85. минута кога Бесарт Ибраими погоди за конечна победа од 2-1, и триумфално заокружување на шампионска сезона.
На дуелот на „Борис Трајковски“ во Маџари, Шкендија славеше со 1-2 против Работнички. Тетовци поведоа со голот на Љупче Дориев во 51. минута.
Во 53. минута израмни Рушевиќ…
Но, во 76. минута Аденис Шаља погоди за конечни 1-2 за Шкендија.
Во Автокоманда, Брегалница запиша гостинска победа од 1-2 против Скопје. Брегалница поведе со голот на Ѓорѓи Ѓорѓиев во 21. минута.
Но, во 30. минута израмни младиот Бујар Хајдари.
Штипјани, сосема заслужено, далеку подобри од противникот до триумфот дојдоа со голот на Милан Ѓокиќ во 85. минута од натпреварот.
Тиквеш триумфираше со пресврт на гостувањето против Победа во Прилеп со 1-4. Победа поведе со 1-0 со голот на Ѓурковиќ во 42. минута од средбата. Но, во вториот дел со два гола на Миловановиќ и по еден ан Вареловски и Ивановски, кавадарчани дојдоа до пресврт-триумф.
Во Струмица, Академија Пандев и Силекс играат со 2-2 на полувремето. Домашните фудбалери имаа предност од 2-0 по само осум минути игра со автоголот на Љамалари, и со голот на Димитар Трајков во 8. минута, но потоа кратовци успеаја да израмнат со автоголот на Јанкулов во 13. минута и на Марко Ѓорѓиевски во 20. минута.
ПРВА ЛИГА – 33. КОЛО
Струга: СТРУГА ТЛ – ШКУПИ 2-1
Радески 51′, Б. Ибраими 85′ – Сандеј Адетунџи 29′
Струмица: АК. ПАНДЕВ – СИЛЕКС 2-2
Љамалари 5′(аг), Трајков 8′ – Јанкулов 13′(аг), М. Ѓорѓиевски 20′
Скопје: СКОПЈЕ – БРЕГАЛНИЦА 1-2
Хајдари 30′ – Ѓорѓиев 21′, Ѓокиќ 85′
Скопје: РАБОТНИЧКИ – ШКЕНДИЈА 1-2
Рушевиќ 53′ – Дориев 51′, Шаља 76′
Прилеп: ПОБЕДА – ТИКВЕШ 1-4
Ѓурковиќ 42′ – Миловановиќ 51′, 84′ , Вареловски 54′, Ивановски 89′
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
