Судењето е тема број еден во голем број светски земји, па и кај нас како по обичај секогаш се нагласува дека судењето е една од најслабите алки во фудбалскиот систем.
Но, судењето и тоа како е проблем и за најсилните европски лиги. Една од нив е португалската во која често може да бидете сведоци на крајно нелогични судиски одлуки со отворено фаворизирање на најсилните екипи како Порто, Бенфика или Спортинг.
Огромна полемика разви и синоќешниот натпревар во кој Спортинг победи со 1-2 на гостувањето против Тондела, со оглед на тоа дека главниот делител на правдата дозволи да се игра се додека Спортинг не дојде до гол и не победи.
Натпреварот беше продолжен 4 минути, а и во текот на судиското продолжение немаше причини за дополнително продолжување. Но, судијата Капела дозволи судиско продолжение од неверојатни 9 минути, односно се до 99. минута кога Спортинг дојде до гол за важна победа.
Треба да се истакне дека Капела претходно покажа и два црвени картони. Кај Спортинг во 59. минута беше исклучен Матиеу по втор жолт картон, а кај Тондела црвена картон заработи Муриљо на крајот од мечот.
Македонскиот репрезентативец Стефан Ристовски изненадувачки не беше ниту на клупата за резервни фудбалери кај Спортинг на овој натпревар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
