Германските ракометари денеска допатуваа во Загреб како актуелни европски прваци, а дополнителна мотивација за одбрана на круната од пред две години во Полска оваа селекција ќе има во извонредните премии ветени од страна на Германската Ракометна Федерација.
Како што јавува агенцијата ДПА, секој од репрезентативците ќе заработи по 250.000 евра доколку Германија второ првенство по ред успее да се искачи на тронот на ракометна Европа.
„Значително го зголемивме наградниот фонд, и тоа на барање на играчите. Со право го сторивме тоа и очекуваме нов успех“ – изјави Боб Хенинг, потпретседател на Германската Ракометна Федерација.
Германија е еден од ривалите на Македонија во групата Ц од овој шампионат, а нашиот дуел со актуелниот европски првак ќе се игра во рамките од третото коло, на 17 јануари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
