Македонскиот кошаркарски репрезентативец Ненад Димитријевиќ и неговата Валенсија стигнаа до голем триуфм на домашен терен против моќната Барселона со 86-76. Димитријевиќ беше најдобар поединец во својот табор и го водеше тимот на Валенсија до голема победа.
Натпреварот почна во егал игра на двете страни. Првиот период заврши со нерешен резултат 21-21, а по голема борба во втората четвртина гостите на полувреме заминаа со позитива од два поени 40-42.
Димитријевиќ и соиграчите заиграа одличниот во третиот период кој го добија со пет поени и пред влезот во последните десет минути имаа позитива од плус три (64-61). Во последниот период го дотолчија ривалот за конечен триумф од 86-76.
Македонскиот репрезентативец беше најдобар поединец во својот тим завршувајќи го мечот со 16 поени со шут од игра 5/9, надополнети со седум асистенции и четири скока. Мајк Тоби уфрли 17 поени. Кај поразените Никола Миротиќ уфрли 14 поени, додека со еден помалку заврши Дејвис.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
