Најдобриот македонски кошаркар Ненад Димитријевиќ ја одигра својата веројатно најдобра партија во кариерата во победата на неговиот Уникс Казањ на домашен терен против Зенит Санкт Петерсбург од 78-63. победа со која Уникс поведе со 3-2 во полуфиналната серија во ВТБ лигата.
Откако по првото полувреме се играше во егал, а на полувреме домаќините заминаа со само три поени предност (30-27), домаќините предводени од нашиот Димитријевиќ одиграа феноменална трета четвртина по која во последните десет минути влегоа со недостижна предност од 56-39. До крајот само рутински го приведоа мечот за конечни 78-63.
Неверојатниот Димитријевиќ натпреварот го заврши со 32 поени, надополнети со шест скока и исто толку асистенции. На теренот на противникот Уникс Казањ во сабота ќе ја има првата меч топка за финале.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
