Ерик тен Хаг не го криеше разочарувањето откако доби шокантен отказ по само две бундеслигашки кола на чело на Баер Леверкузен. „Фармацевтите“ забележаа еден пораз и едно реми (меч во кој водеа со 3-1 и имаа играч повеќе на теренот), што беше доволно за управата да процени дека направила големо промашување при изборот на наследник на Чаби Алонсо, врачувајќи му отказ на Тен Хаг.
Последните информации од Германија говорат дека екс-стратегот на Манчестер јунајтед одлично ќе ја наплати оваа предвремена разделба, ако се знае дека Леверкузен сега ќе мора да му исплати на Холанѓанецот нешто повеќе од шест милиони евра отпремнина поради предвремениот прекин на соработката.
Ако се знае дека Тен Хаг мина само 62 дена на чело на Баер, тоа се одлични 100.000 евра дневно… за залекување на раните по овој шокантен отказ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
