Германскиот Суперкуп од следната сезона ќе го носи името на славниот Франц Бекенбауер, потврдија Бундеслигата и Германската фудбалска федерација. Легендарниот „Кајзер“ го освои Светското првенство како играч со Западна Германија во 1974 година на домашен терен, а истиот успех го повтори и во 1990 година во Италија како селектор.
Дресот на Германија го носеше на 103 натпревари, постигнувајќи 14 гола, а како професионалец играше за Баерн Минхен, Њујорк Космос и Хамбург.
Изумителот на улогата на либерото во фудбалот почина на 7. јануари на 78-годишна возраст во Салцбург.
Минатогодишен победник е Баер Леверкузен кој ја брани и титулата во Бундеслигата, а најмногу трофеи во витрината има Баерн Минхен вкупно десет.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
