Шпанскиот Суперкуп, во кој сезонава ќе учествуваат Барселона, Реал Мадрид, Атлетико Мадрид и Осасуна, ќе се игра во Ријад од 10. до 14. јануари 2024 година.
Ова е четврти пат натпреварувањето да се пресели во Саудиска Арабија, по изданието во 2020 година во Џеда и изданијата од 2022 и 2023 година исто така во Ријад.
Преселбата на шпанскиот Суперкуп во Саудиска Арабија е дел од договорот потпишан со таа земја, кој на на Шпанската фудбалска федерација и плаќа околу 30 милиони евра по сезона.
Во полуфиналето ќе се сретнат двата мадридски клуба, Реал (победник на Копа дел Реј) и Атлетико (трет во Примера), како и Барселона (шампион на Шпанија и бранител на титулата) и Осасуна (финалист на Купот).
Полуфиналните натпревари се закажани за 10. и 11. јануари, додека финалето е закажано за 14. јануари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
