Спортската јавност е во шок откако одекна веста за суспензија на неколку играчи од некогашниот турски суперлигаш, а сега член на четвртата лига, Ахисарспор. Имено, претседателот на овој клуб, Еврен Озбеј, суспендирал дури осум фудбалери од причина што „покажале нелојалност кон него“.
Во Ахисарспор била во тек претседателска кампања за челното место во клубот, а неговиот противник, Микаил Каплан, ги повикал фудбалерите од првата екипа на средба и на дружење. Се појавил, речиси цел тим, но само осум играчи јаделе од баклавата која ја донел Каплан како поздрав.
Токму поради јадењето баклава, истите осум фудбалери биле суспендирани на неодредено. Сето ова се случувало додека клубот се наоѓал во финансиски проблеми и во период кога екипата немала тренер.
💥 Akhisarspor Başkanı Evren Özbey, başkan adaylığını açıklayan Mikail Kaplan’ın getirdiği baklavayı yiyen 8 futbolcusunu kadro dışı bıraktı.❗️ pic.twitter.com/4sD3byDHYi
— Transfer Merkezi ™ (@TransferMerkez) August 10, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
