И покрај сите шпекулации околу неговото заминување, Светислав Пешиќ сепак ќе остане на чело на репрезентацијата на Србија.
Новиот претседател на Српската кошаркарска федерација, Небојша Човиќ успеал да го убеди искусниот стратег да остане на чело на репрезентацијата.
Како што пренесуваат српските медиуми, Пешиќ ќе ја води репрезентацијата само уште на Евробаскетот следната година каде главна цел ќе биде нападот на златниот медал.
Се очекува ова првенство да биде проштално за Пешиќ, а најавите се дека по одличните игри во Париз сите ѕвезди, предводени од Никола Јокиќ ќе бидат дел од репрезентацијата. Без разлика на резултатот на ЕП по завршувањето на шампионатот Србија ќе бара нов селектор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
