Спортот загуби уште една легенда откако доцна синоќа почина трикратниот Формула 1 шампион, Ники Лауда, на 70-годишна возраст.
„Со голема болка објавуваме дека нашиот сакан Ники почина на 20 мај 2019 година“ – објави семејството на Лауда.
Ники Лауда беше светски првак во Формула 1 во 1975, 1977 и во 1984 година и вицешампион во 1976 година. Минатото лето врз него беше извршена трансплантација на белите дробови поради што неколку месеци мина во болница, хируршкиот зафат за кратко му го продолжи животот, но Лауда синоќа ја загуби најважната битка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
