Светска сензација во Купот на Германија: Третолигаш го елиминираше Леверкузен и ќе игра финале!

Бајката на германскиот третолигаш Арминија Билефелд во Купот на Германија продолжува! Вечерва овој нисколигаш го елиминираше освојувачот на двојната круна од минатата сезона, тимот на Баер Леверкузен, и се пласираше во големото финале во Берлин.

Не, не е првоаприлска шега, Арминија успеа со пресврт да го совлада Леверкузен, и да исфрли четврт Бундеслигаш после Унион Берлин, Фрајбург и Вердер Бремен.

А, се добро почна за Баер Леверкузен, па поведе со 0-1 со голот на Та. Меѓутоа Ворл во 20. минута израмни, а потоа Грозер во третата минута од судиското надополување од првиот дел му донесе на својот тим огромна победа.

Арминија во финалето го чека подобриот од мечот Штутгарт – Лајпциг.

Се вчитува...