Претседателот на ФИФА, Џани Инфантино соопшти важна вест за клупскиот фудбал. Тој ја потврди информацијата дека почнува нов циклус на Светското клупско првенство и тоа од 2025 година.
Во прашање е турнир на кој ќе учествуваат 32 најдобри клупски екипи во светот, кои ќе се борат за трофејот кој треба во иднина да биде еден од најважните во клупскиот фудбал. Интересно е тоа што ФИФА оваа идеја ја имаше уште во 2021 година, но мораше да ја одложи поради целата ситуација со пандемијата од коронавирусот.
Инфантино изгледа добро размислил и му најави на светот дека доаѓа голема реформа кога е во прашање неатрактивното Светско клупско првенство на кое учествуваат само шампионите на континентите, а кое следната година ќе се игра во Мароко.
Неофицијално, Светското клупско првенство, каде секако Европа ќе обезбеди најголем број учесници, првично треба да се одржи во Мексико, Канада и САД. Исто така, тоа би било голема најава од страна на ФИФА за Светското првенство што ќе се одржи во овие земји во 2026 година, а форматот се уште не е потврден.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
