Саутемптон е многу близу до осигурување на опстанок во Премиер-лигата откако во директен дуел славеше на гостувањето против Свонси со минимални 0-1.
Двата тима влегоа во овој меч со ист број на бодови, а „светците“ дојдоа до огромен триумф благодарение на голот на Габиадини во второто полувреме, откако екс-фудбалерот на Наполи најдобро се снајде во една мешаница во шеснаесетникот и го матираше Фабијански.
За Саутемптон ова значи речиси сигурен опстанок бидејќи на едно коло до крајот има три бода предност во однос на Свонси, но и подобра гол-разлика од велшкиот клуб.
За Свонси останува последната шанса в недела да го совлада Стоук, но и Хадерсфилд да ги загуби своите последни две средби, против Челси и Арсенал.
#SWASOU GOAL GABBIADINI pic.twitter.com/DrUGaoQKp8
— – (@Stewellll) May 8, 2018
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
