Ал Наср веќе некое време се мачи да го симне Ал Хилал од тронот во Саудиска Арабија, а во Турција можеби го пронајдоа делот што недостасуваше. Клубот од Саудиска Арабија е заинтересиран за услугите на Душан Тадиќ.
Поранешниот српски репрезентативец има клучна улога и во тимот на Жозе Мурињо, иако веќе навлегува во доцните играчки години. Тој оваа сезона игра фантастично во Турција и на 15 натпревари постигна седум гола и седум пати асистираше.
Од Турција пристигнуваат информации дека може да има некаква размена. На една страна би тргнал Душан Тадиќ, а во спротивна Андерсон Талиска.
Фенербахче има подготвено договор за Тадиќ на уште една година со опција за продолжување на уште една година, но останува да се види каква ќе биде конечната одлука на српскиот плејмејкер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
