Бернар Лакомб, поранешен француски фудбалер и легенда на Лион и подоцна на Бордо, почина на 73-годишна возраст. Тажната вест ја објави Лион, каде што Лакомб го помина поголемиот дел од својата играчка, а подоцна и тренерска кариера.
„Со огромна тага дознавме за смртта на Бернар Лакомб овој вторник вечерта. Сите наши мисли се со неговото семејство и најблиските, како и со сите оние кои го сакаат Олимпик Лион и фудбалот. Збогум, Бернар. Ти беше нашата легенда, најголемиот од сите“, објави Лион на социјалната мрежа „X“ без да даде детали за причината за смртта.
C’est avec une immense tristesse que nous avons appris ce mardi soir le décès de Bernard Lacombe.
Toutes nos pensées vont vers sa famille et ses proches, mais aussi les amoureux de l’Olympique Lyonnais et du football.
Adieu Bernard, vous étiez notre légende, le plus grand de… pic.twitter.com/z0rbeeJ2AN
— Olympique Lyonnais (@OL) June 17, 2025
Лакомб беше напаѓач за време на својата играчка кариера и играше за Лион од 1969 до 1978 година, додека го водеше клубот како тренер од 1996 до 2000 година. Тој исто така играше за Сент-Етјен и Бордо, за кои играше од 1979 до 1987 година. Стана легенда на Бордо, и еден од фудбалерите со најмногу настапи за овој клуб.
Најголемиот успех во својата играчка кариера го постигнал играјќи за Бордо. Со Бордо освоил три титули во францускиот шампионат (1984, 1985 и 1987) и два Купа (1986 и 1987), како и еден „Трофеј на шампионите“. За селекцијата на Франција играше на 38 натпревари и постигна 12 голови. Со Франција го освои трофејот на ЕП во 1984 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
