Еден од најдобрите голфери на сите времиња, Тајгер Вудс, беше опериран по сообраќајна несреќа што ја претрпе на крајот на февруари, во која се здоби со сериозни повреди на ногата, а според неговите блиски, 45-годишниот спортист не се сеќава на моментот на судирот.
Познатиот голфер е повреден во сообраќајна несреќа на 23 февруари – неговиот автомобил се превртел, а во несреќата не учествувало ниту едно друго возило. Вудс не претрпе повреди опасни по живот, но се соочува со долго и тешко закрепнување поради бројните повреди на десната нога.
„Полициските службеници го прашале како се случила сообраќајката, а Вудс кажал дека тој не знае ништо и дека не се сеќавал дека возел. Кога му била укажана прва помош и кога бил пренесен во болница, тој повторил дека ништо од тоа нема меморирано. Кога некое лице е повредено во сообраќајна несреќа, мора да откриеме која била причината за тоа. Ако не видиме дека е сторено какво било кривично дело, тогаш го дефинираме случајот како обична сообраќајна несреќа“, рече шерифот Џон Шлегл.
Вудс е член на ПГА турнејата од 1996 година, освојувајќи 15 големи турнири, оставајќи го само Џек Никлос пред него на вечната листа. Тој поседува бројни рекорди за голф и е најпрепознатливото лице во овој спорт.
“It is hard to explain how touching today was when I turned on the tv and saw all the red shirts.”
? @TigerWoods pic.twitter.com/5byJoou4wa
— GOLFTV (@GOLFTV) March 1, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА