Само два дена откако ја сруши Барселона со два гола во Торино и во голема мера го донесе Јувентус на чекор до полуфиналето во Лигата на шампионите, Пауло Дибала го продолжи договорот со „црно-белите“.
Сега Аргентинецот ќе заработува 130.000 евра неделно, а наскоро уште повеќе ќе ја зголеми својата банкарска сметка. И, тука се доаѓа до прашањето од насловот: Зошто Дибала носи црни копачки?
А, тоа е затоа што на Дибала му заврши договорот со „Најк“, и додека останатите произведувачи се борат за потпис со младиот генијалец, тој на овој начин им дава до знаење дека чека понуди.
Црните копачки кои сега ги носи и натаму се на „Најк“, само што аргентинскиот фудбалер самоиницијативно си ги преуредил малку. Место знакот на „Најк“ поставил свој заштитен знак, гладијаторски начин за прослава на головите.
„Тоа е Дибаламаск, т.е моја маска. Многу едноставна – маска на гладијатор!“ – објасни Пауло.
Сега, според сите најави, „Адидас“ е тој кај ја има фаворитската улога околу преземањето на грижата за Дибала.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
