Тајсон Фјури не го прифаќа фактот дека двапати е поразен од Олександр Усик, па бара и трет меч каде што ќе докаже дека е подобар.
Изминатава ноќ Олександр Усик го нокаутира Даниел Дубоа во петтата рунда и стана апсолутен светски шампион во тешка категорија. Украинецот е сопственик на сите можни титули по вторпат и продолжува да меле сè пред себе. Има резултат од 24-0, но поранешниот шампион Тајсон Фјури верува дека ги добил двете борби против Усик, во кои незаслужено му била доделена победата.
„Голема почит кон Олександр Усик. Имаше одлична борба против Даниел Дубоа. Честитки до двајцата. Олександр Усик многу добро знае дека има само еден човек што може да го победи. Јас веќе го направив тоа двапати. Целиот свет го знае тоа. Бев изигран, но го прифатив како маж“ – вели Фјури во видео-порака синоќа, и додава:
„Не се зафркавам со боксерски меч. Само трчам на пат, јас сум е.ан Спартанец и без разлика што велат другите, јас ги добив тие е..ни борби против Усик. Тој не е победник. Ви го гарантирам тоа“.
“NO MATTER WHAT ANYONE SAYS, I F*CKING WON THEM FIGHTS”
Tyson Fury out road running at nearly midnight congratulating and calling out @usykaa after his stoppage win against Daniel Dubois 👀
Do you want to see the trilogy fight?
🎬 @Tyson_Fury #UsykDubois2 | #TysonFury |… pic.twitter.com/fvut8OUfiK
— IFL TV (@IFLTV) July 19, 2025
Сепак, навивачите не мислат така. Огромното мнозинство верува дека Усик сè доби чисто и дека Кралот на Ромите само се обидува да добие уште една борба.
Сепак, Фјури веројатно нема да победи во трет меч. Се претпоставува дека тој ќе биде првиот што ќе влезе во рингот со Ентони Џошуа.
За потсетување, 36-годишникот има рекорд од 34 победи, два порази и едно нерешено во 37 борби.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
