Со денешниот дуел на Чаир стартува седмото коло во домашниот шампионат на Прва МФЛ. На програмата е единствениот меч во Скопје, каде што премиерно сезонава на стадионот во Чаир ќе се сретнат Шкупи и Македонија Ѓ.П.
Домаќинот е во голема резултатска криза. Проблемите во тимот најмногу се одразуваат на теренот, па Шкупи засега е без бодови на своето салдо. Сепак, пред своите навивачи овој тим ќе се обиде конечно да ја „прекине“ лошата серија и да почне да бележи позитивни резултати.
На гости доаѓа Македонија Ѓ.П., тим кој на стартот од сезоната загуби три натпревари по ред, но во меѓувреме успеа да запише две победи и моментално е дел од „златната средина“ на табелата.
„Не очекува тежок натпревар. Домаќинот игра пред свои навивачи и тоа секогаш носи дополнителна мотивација. Тоа што Шкупи сè уште нема бодови за нас апсолутно ништо не значи. Тие имаат квалитет и никако не смееме да влеземе со потценување. Ние пак, од меч во меч напредуваме и играчки и резултатски. Имаме свои мотиви, сакаме победа и тоа ќе го покажеме на терен. Македонија Ѓ.П. денеска оди на три бода“ изјави Мартин Талаков.
ПМФЛ 7. КОЛО:
ДЕНЕСКА:
(15.30) ШКУПИ – МАКЕДОНИЈА ЃП
УТРЕ:
(15.30) ШКЕНДИЈА – ТИКВЕШ
(20.00) ВАРДАР – РАБОТНИЧКИ
ПОНЕДЕЛНИК:
(15.30) АП БРЕРА – АРСИМИ
(15.30) СИЛЕКС – СТРУГА
ВТОРНИК:
(15.30) ПЕЛИСТЕР – БАШКИМИ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
