Женскиот ракометен клуб Вардар се засили со една од најдобрите и најперспективните млади ракометарки во Македонија, Таида Беровиќ.
Беровиќ беше дел од македонската репрезентација на Европското првенство за кадетките, а на само 17 години доби повика и за А-тимот на Македонија. На последниот ЕХФ викенд беше одлична за сениорскиот состав и една од најважните алки за освојување на турнирот во Република Турција.
Репрезентативката покрај за сениорската екипа, може да настапува и за кадетките кои се актуелен шампион на Македонија. Беровиќ имаше одлична полусезона во тимот на Металург Автокоманда од каде премина во ЖРК Вардар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
