Младата ѕвезда на МЗТ Скопје, талентираниот Самет Јигитоглу се најде на поширокиот список на турската репрезентација за натпреварите од новиот прозорец од квалификациите за Светското првенство 2023. Тоа не е прв пат центарот да се најде на списокот на Ергин Атаман, така беше и за Евробаскетот, но тогаш отпадна со оглед на минималното искуство.
Сега работите се променети, а со оглед на тоа што селекторот нема да може да смета на ѕвездите кои настапуваат во НБА лигата и на поголем дел на оние кои се натпреваруваат во Евролигата нема да биде изненадување да се најде меѓу дванесетте кошаркари кои ќе си ги одмерат силите со Белгија и Србија.
Со тоа уште еднаш се покажува класата која со себе ја носи 18-годишникот кој веќе две години настапува во македонското првенство. Оваа сезона добива шанса и во стартната петрока за настапите од АБА каде бележи просек од 8.0 поени и 6.2 скока.
Како потсетување тој беше претходната сезона беше дел и од собирот на младите европски ѕвезди предводен од легендарниот Василис Спанулис.
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
