Пресметката меѓу Филип Талески и Мартин Томовски во Бундес-лигата заврши без победник, откако дуелот меѓу Балинген и Лудвигсхафен заврши со израмнети 25-25.
Главен „виновник“ за ваквиот конечен исход е токму Талески, кој на една минута до крајот го постигна израмнувачкиот погодок, спречувајќи пораз на Балинген. Македонскиот бек одигра одличен натпревар постигнувајќи четири гола, но и шест асистенции за погодоци на соиграчите. На спротивната страна, Томовски за 21 минута игра имаше четири успешни интервенции.
Жарко Пешевски со Штутгарт претрпе минимален пораз на гостувањето против фаворитот Рајн-Некар Левен (33-32). Македонскиот пивот го заврши дуелот со поранешниот првак со три постигнати погодоци, без ниту едно промашување.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
