Таткото и поранешен тренер на норвешкиот атлетичар на средни патеки Јакоб Ингебритсен, Ѓерт рече на судењето во Санднес, дека не ги злоставувал премногу децата, но ги заштитувал за да им помогне во нивните амбиции.
Во 2022 година, Јакоб Ингебритсен одлучи да ја прекине соработката со својот татко, обвинувајќи го за злоупотреба, а на обвинувањата се приклучи и неговата сестра Ингрид, која реши да ја прекине натпреварувачката кариера во 2022 година на 15-годишна возраст, иако имаше ветувачки резултати во помладите категории.
Минатата недела, Јакоб сведочеше дека неговото детство било обележано со страв од физичко малтретирање, наведувајќи неколку примери како што се тепањата што ги добил како осумгодишно дете, откако неговиот татко дознал за поплаките за однесувањето на неговиот син на училиште.
Сега сведочеше и неговиот татко кој вели дека ги сака своите деца…
„Истакнувањето на релевантните инциденти поврзани со обвинувањата може да доведе до заклучок дека сум имал негативно влијание врз моите деца. Но, неизмерно ги сакам моите деца. Станав татко многу рано, а имав голема потреба да ги заштитам. Некои можеби ме нарекуваат премногу заштитнички татко“, изјави Ѓерт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
